Xəbər verdiyimiz kimi, MM Mədəniyyət Komitəsinin üzvü, Azərbaycan Qızıl Aypara Cəmiyyətinin sədri Novruz Aslanın təşəbbüsü ilə Qızıl Aypara Cəmiyyəti “Səninləyəm, Türkiyə!” adlı yardım kampaniyası elan edib.
AzerTimes-ın məlumatına görə, fevralın 6-ı günorta saatlarından başlanılan kampaniyaya ötən günə qədər 12 843 şəxs qoşulub.
Statistikaya görə, sözügedən tarix aralığında ümumilikdə 382 597.09 manat pul toplanıb. Qızıl Ayparaya ianə edənlər arasında dövlət qurumları, millət vəkilləri, tanınmış şəxslər, sıravi vətəndaşlar var.
Artıq yığılan məbləğlə Türkiyəyə 3 mərhələdə ümumilikdə 181 023.97 manat (2 007 686 TL) dəstək göndərilib.
Xatırladaq ki, Azərbaycan Qızıl Ayparasının Türkiyə üçün başlatdığı yardım kampaniyasına qoşulmaq istəyənlər bu linkdən istifadə edə bilərlər:
– Nağd pul vasitəsi ilə ianə etmək üçün MilliÖn və eManat ödəniş terminallarında xeyriyyəçilik bölməsində “yardim.et” düyməsindən yararlanmaq olar.
– SMS vasitəsi ilə ianə etmək üçün “Azercell” abunəçiləri 8116 qısa nömrəsinə SMS göndərə bilər.
– Elektron pul kisəsi vasitəsi ilə “hesab.az” saytından ianə etmək mümkündür.