Türkiyə iyunun 21-dən oktyabrın 15-dək respublikaya buğda idxalını dayandırmağa hazırlaşır.
AzerTimes xəbər verir ki, bu barədə Türkiyə Kənd Təsərrüfatı və Meşə Nazirliyinin mətbuat xidməti məlumat yayıb.
Bildirilir ki, idxalın dayandırılması çətin yay mövsümündə türk kənd təsərrüfatı istehsalçılarına dəstək məqsədi daşıyır. Adətən bu zaman ölkədə buğda idxalında artım və nəticədə taxılın qiymətinin aşağı düşməsi müşahidə olunur.
Qeyd edək ki, Rusiyadan alınan buğdanın həcminə görə Türkiyə ikinci yerdədir.