Türkiyə Silahlı Qüvvələri İraqın şimalında başlatdığı “Pəncə
Kilid” antiterror əməliyyatı çərçivəsində 19 PKK terrorçusunu
zərərsizləşdirib.
Trend-in
məlumatına görə, bu barədə ölkənin Milli Müdafiə Nazirliyi
bildirib.
Qeyd olunub ki, əməliyyatlar zamanı Türkiyə ordusunun 4 əsgəri
yüngül yaralanıb.
Xatırladaq ki, Türkiyə ordusu bu gün İraqın şimalındakı Metina,
Zap və Avaşin-Basyan bölgələrində terrorçu hədəflərə qarşı qurudan
və havadan “Pəncə Kilid” əməliyyatına başlayıb. Əməliyyata milli
müdafiə naziri Hulusi Akar rəhbərlik edib.