Qırğızıstan parlamentinin sədri Nurlanbek Şakiyev qanunvericilik məclisinin iclasında təbii sərvətlər, ekologiya və texniki nəzarət naziri Dinara Kutmanovaya rus dilində danışmağı qadağan edib.
AzerTimes xəbər verir ki, bu barədə Qırğızıstan mediası məlumat yayıb.
Qeyd edilir ki, iclasda deputatlar və rəsmilər Bişkekdə dumanla mübarizə üsullarını müzakirə ediblər. Görülən işlərlə bağlı məruzə ilə çıxış edən Kutmanova məlumatları rus dilində oxumaq üçün icazə istəyib və dərhal hesabata keçib.
“Sizə kim icazə verib ki, rus dilində çıxış edirsiniz? Niyə qırğızca danışmırsınız?” – spiker onun sözünü kəsərək, normal tonda dövlət dilində danışmağı tələb edib.
Xatırladaq ki, Qırğızıstanda rus dili rəsmi dil statusuna malikdir.