Taxıl sövdələşməsinin reallaşması nəticəsində buğdanın orta qiyməti bir ton üçün 440 dollardan 320 dollara enib.
AzerTimes xəbər verir ki, bunu Türkiyənin kənd təsərrüfatı naziri Vahid Kirişçi bildirib.
“Əgər Ukraynada müharibə başlayan ilk vaxtlarda bir ton buğdanın qiyməti 440 dollar idisə, hazırda 320 dollar civarındadır”, – deyə o bildirib.
Nazirin sözlərinə görə, Ukrayna limanlarından kənd təsərrüfatı məhsullarının 54 faizi Avropa, 28 faizi Asiya, 12 faizi Afrika, 6 faizi isə Yaxın Şərq ölkələrinə çatdırılıb.