Qazaxıstan Prezidenti Qasım-Jomart Tokayev iyunun 12-ni ümummilli matəm günü elan edib.
AzerTimes xəbər verir ki, bu barədə Qazaxıstan mətbuatı məlumat yayıb.
Məlumata görə, Tokayev yanğınların baş verdiyi Abay rayonuna səfər edib, burada yanğın nəticəsində həlak olan meşə təsərrüfatı işçilərinin ailələrinə və yaxınlarına başsağlığı verib.
Xatırladaq ki, Batpaevski meşə təsərrüfatının ərazisində baş verən yanğınlar nəticəsində 14 nəfər həlak olub. Qazaxıstan Prezidenti Qasım-Jomart Tokayev iki gündür davam edən böyük meşə yanğınları fonunda fövqəladə hallar naziri Yuri İlini vəzifəsindən azad edib.