Tesla sahibləri server nasazlığına görə öz avtomobillərinə daxil ola bilməyiblər

Bəzi Tesla markalı elekttrik avtomobillərin sahibləri sosial şəbəkələrdə korporasiyanın serverindəki nasazlıq səbəbindən öz avtomobillərinə daxil olub onu işə sala bilmədiklərindən şikayətləniblər.

Trend xəbər verir ki, Tesla-nın rəhbəri İlon Mask avtomobil sahiblərindən birinin Twitter-də yazdığı mesaja şəxsən cavab verib və problemlərlə bağlı məlumatların yoxlanıldığını bildirib.


Noyabrın əvvəlində Tesla 2017-2021-ci il buraxılışının təxminən 11,7 min Model S, Model 3 və Model X elektrik avtomobillərini, eləcə də 2020-2021 buraxılış Model Y proqram təminatı səhvinə görə geri çağıracağını açıqlamışdı.