Rusiya və Türkiyə prezidentləri – Vladimir Putin və Rəcəb Tayyib Ərdoğan görüşü zamanı türkiyəli tərcüməçi səhvə yol verib.
AzerTimes xəbər verir ki, bununla bağlı Teleqram kanallarında məlumat yayılıb.
Belə ki, Ərdoğanın sözlərini Putinə tərcümə edən şəxs yanlışlıqla Türkiyə və Rusiyanın aralarında müharibə etdiyini bildirib.
“Türkiyə və Rusiya arasında müharibə… mmm… Rusiya və Ukrayna arasında müharibə…”, – deyə tərcüməçi qeyd edib.
Qeyd edək ki, bu gün Soçidə liderlər arasında görüş baş tutub.