İsveç hazırda Ukraynaya hərbi personal göndərmək fikrində deyil, lakin NATO üzvləri razılığa gələrsə, bunu nəzərdən keçirə bilərik.
AzerTimes xəbər verir ki, bu barədə İsveçin müdafiə naziri Pol Conson jurnalistlərə bildirib.
“Anladığım qədər bu ilin əvvəlində Paris sammitində bir araya gələn ölkələr arasında ortaq mövqe yox idi və indi konkret təklif ortaya çıxsa, biz bu məsələyə baxa bilərik”, – nazir qeyd edib.
Qeyd edək ki, Ukraynaya NATO qoşunlarının göndərilməsi təklifi ilə ilk dəfə Fransa Prezidenti Emmanuel Makron çıxış edib.