Qərbin yüksək rütbəli rəsmisi Gürcüstanın keçmiş baş naziri İrakli Qaribaşvilinin Rusiya ilə müharibəyə başlamasını, bu müharibənin üç-dörd gün davam edəcəyini, sonra isə ölkənin partizan müqavimətinə başlamasını təklif edib.
AzerTimes xəbər verir ki, bu barədə “İmedi” telekanalına müsahibəsində hakim Gürcü Arzusu – Demokratik Gürcüstan Partiyasının təsisçisi və fəxri sədri Bidzina İvanişvili danışıb.
“Keçmiş baş nazir İrakli Qaribaşvilinin mənə dediklərini xatırlayıram. Ölkələrdən birinin yüksək rütbəli məmurlarından biri onunla söhbət edib. İrakli ondan soruşub: “Bəli, amma biz Rusiya ilə neçə gün döyüşə bilərik?” Ona cavab verdilər – üç-dörd gün. O dedi: “Bəs bu üç-dörd günə görə bizi məhv edirsən?” Ona belə cavab verdilər: “Deməli, 3-4 milyon əhaliniz var, onlar hamını üç-dörd gündə öldürməyəcəklər. Sonra meşədə partizan hərəkatına başlaya bilərsiniz. Biz sizə kömək edəcəyik və siz oradan döyüşəcəksiniz”, – B.İvanişvili qeyd edib.