Tehranda yerləşən 3 mərtəbəli Ahəngəran bazarında güclü yanğın nəticəsində 30 mağaza tamamilə yanıb.
AzerTimes xəbər verir ki, bu barədə Tehran Bələdiyyəsinin Yanğınsöndürmə İdarəsi və Təhlükəsizlik Xidmətlərinin sözçüsü Seyid Cəlal Məliki açıqlama verib.
O, yanğının avqustun 15-də, yerli vaxtla saat 02:01-də başladığını, 30 mağazadan əlavə alt qatda yerləşən anbarın da çox hissəsinin yanaraq kül olduğunu bildirib.
Məlumata görə, yanğın söndürülüb, xəsarət alanlar yoxdur.