İran Türkiyə, Rusiya və Suriya ilə dördtərəfli görüşdə iştirak etməyə hazırdır, görüşün dəqiq tarixi ilə bağlı Moskvadan bildiriş gözləyirik.
AzerTimes xəbər verir ki, bunu İran xarici işlər nazirinin köməkçisi Əli Əsgər Hacı deyib.
“Dördtərəfli görüşün (xarici işlər nazirlərinin müavinləri) Moskvada keçiriləcəyi tarix hələ müəyyən edilməyib. Biz iştirak etməyə hazırıq və dəvət olunmuşuq, lakin görüşdə iştirak edən tərəf (Rusiya – red.) bu görüşün yekun təsdiq edilmiş tarixi barədə bizə məlumat verməlidir”, – o bildirib.
Qeyd edək ki, bundan əvvəl 4 dövlətin xarici işlər nazirlərinin müavinləri səviyyəsində görüşün martın 15-16-da Moskvada keçiriləcəyi bildirilmişdi.