2024.06.25. 23:54
Hazırda Mahaçqalada atışma gedir.
AzerTimes xəbər verir ki, bu barədə Rusiya Teleqram kanalları məlumat yayıb.
Paylaşılan videoda bildirilir ki, şəhərin Lenin və Korkmasov küçələrində atışma səsləri eşidilir.
Təhlükəsizlik qüvvələri Universitet meydanını mühasirəyə alıb. Yaxınlıqdakı evlərin sakinləri təxliyə edilir.
Atışma səbəbindən polis yoldan keçənlərdən evlərinə getməyi və ya sığınacaq tapmağı xahiş edir.
Qeyd edək ki, 23 iyunda mahaçqala və Dərbənddə terakt törədilmişdi. Nəticədə ən azı 16 polis, 5 mülki şəxs ölmüşdü.
***
Teleqram kanallarının yaydığı məlumata görə, “Priora” markalı maşında iki nəfərin atəş açmasından sonra xüsusi təyinatlılar əraziyə gəlib. Atəş açanlar isə dərhal gözdən itib.
Dağıstan DİN-dən də bildirilib ki, hüquq-mühafizə orqanı əməkdaşları daxil olan operativ məlumatı yoxlayıblar.
“Yaxalama” planı yoxdur, ictimai asayiş pozulmayıb”, – məlumatda bildirilib.