Prezidentliyə namizəd, İran dini rəhbəri Əli Xameneinin Ali Milli Təhlükəsizlik Şurasındakı nümayəndəsi Səid Cəlili iyunun 23-də Təbrizə səfər edib.
AzerTimes xəbər verir ki, bu barədə yerli media məlumat yayıb.
Hökumətin yerli idarələrinin səylərinə və bir neçə gün əvvəldən başlayan hazırlıqlara baxmayaraq, Cəlilinin qarşılanma mərasimi qələbəliklə keçməyib.
Təbrizin “Şəhid Mədəni” hava limanına enən Səid Cəlili Təbriz Şəhər Şurasının üzvü, onun seçki qərargahının Təbrizdəki nümayəndəsi Ruhullah Rəşidi və az sayda qrup tərəfindən qarşılanıb.
Təbrizli sosial media istifadəçiləri Cəlilinin qarşılanma mərasimini əks etdirən fotoları paylaşaraq, bunu təbrizlilərin qeyri-türk namizədə cavabı adlandırıblar.
Qeyd edək ki, azərbaycanlı namizəd Məsud Pezeşkian iyunun 26-da Təbrizə gələcək.