Bir həftə öncə Təbrizdə həbs olunan soydaşlarımız Məhluqə Babazadə və Fati Məhəmmədinin həyatı təhlükədədir.
Bu sözləri AzerTimes-a açıqlamasında İran üzrə ekspert Kərim Əsgəri deyib. Ekspert güc strukturlarının ailəyə məsələ ilə bağlı heç bir məlumat verməməsi üçün təzyiq etdiyini qeyd edib:
“Polis qızlarının vəziyyəti ilə maraqlanan ailələrinə, “Narahat olmayın, onlara da Aylar Həqqinin (Təbriz Azad Universitetinin Tibb fakültəsinin tələbəsi olan Aylar Həqqi 16 noyabrda keçirilən etirazlar zamanı öldürülüb) yanında yer hazırlamışıq” cavabını verib. Hazırda ailələri övladlarının taleyindən narahatdırlar”.