Tavriya istiqamətində Ukrayna qoşunları rusların demək olar ki, iki bölüyünü məhv edib.
AzerTimes xəbər verir ki, bu barədə “Tavriya” qoşunlarının əməliyyat-strateji qrupunun komandanı briqada generalı Aleksandr Tarnavski məlumat verib.
“Ötən sutka ərzində düşmən mövqelərimizə 25 dəfə hücum edib, 615 dəfə atəşə tutub”, – Tarnavski bildirib.
Eyni zamanda, Ukrayna artilleriya bölmələri 1337 atəş missiyasını yerinə yetirib. Rusların 22 hərbi texnikası da məhv edilib.
Bundan başqa, düşmənin 3 silah-sursat anbarı və yanacaq-sürtkü materialları olan anbar da məhv edilib.