Xəbər - Orxan Nəbiyev – Trend:
Tailandda fevralın 1-dən etibarən 5-11 yaşlı uşaqların koronavirusa qarşı vaksinasiyası başlayacaq.
Trend-in məlumatına görə, bunu ölkənin Xarici İşlər Nazirliyinin rəsmi nümayəndəsi bildirib.
Qeyd olunur ki, vaksinasiya prosesinin başlanması üçün 3 milyon doza “Pfizer” vaksini Tailanda gətiriləcək. Vaksinin ikinci dozası uşaqlara fevralın sonunda vurulacaq.
Ölkədə ötən ilin oktyabrından etibarən 12-18 yaşlı yeniyetmələrin vaksinasiyası aparılır.
Qeyd edək ki, Tailandda koronavirusa qarşı peyvəndləmə 2021-ci il fevralın sonunda başlayıb. Bu günədək 52 milyondan çox şəxs birinci doza, 48 milyondan çox şəxs hər iki doza peyvəndlənib.