Müxtəlif ssenarilər mümkündür. Ermənistanla Azərbaycan arasında sülh müqaviləsinin hansı platformada, hansı formatda, hansı şərtlərlə və hansı məzmunla imzalanacağını proses göstərəcək.
AzerTimes xəbər verir ki, bunu Ermənistanın hakim “Mülki Müqavilə” partiyasının parlament fraksiyasının katibi Artur Ovannisyan Gürcüstanda İrəvanla Bakı arasında sülh müqaviləsinin imzalanmasının mümkünlüyünü şərh edərkən deyib.
“Ümumilikdə bizim üçün heç bir istisna yoxdur. Qərbli həmkarlarımızla strateji tərəfdaşıq, Rusiya, İran və Gürcüstanla kifayət qədər isti münasibətdəyik. Ona görə də bütün həmkarlarımızın köməyi ilə biz irəli getməliyik. Qalan hər şeyi zaman göstərəcək”, – deputat bildirib.