Qərb ölkələri ilə Rusiya arasında münasibətlərin normallaşması Kremlin Ukraynaya qarşı başlatdığı müharibə bitdikdən sonra da mümkün olmayacaq.
AzerTimes xəbər verir ki, bunu NATO-nun Baş katibi Yens Stoltenberq deyib.
“Əvvəlki kimi olmayacaq. Ukraynada silahlar sussa belə, Rusiya ilə münasibətlərimizin normallaşacağını gözləməməliyik”, – o bildirib.
Stoltenberq Rusiya Prezidenti Vladimir Putinin Ukraynaya hücum edərkən səhv etdiyini də bildirib:
“O, öz silahlı qüvvələrinin gücünü həddən artıq qiymətləndirdi. Biz onların səhvlərini, mənəvi-psixoloji çatışmazlıqlarını, rəhbərlik problemlərini, zəif təchizatlarını görürük”.