13:30
Bakıda Azərbaycanın xarici işlər naziri Ceyhun Bayramov ilə macarıstanlı həmkarı Peter Siyarto arasında görüş keçirilir.
AzerTimes xəbər verir ki, görüş P.Siyartonun Bakıya işgüzar səfəri çərçivəsində keçirilir. Xarici işlər nazirləri ikitərəfli əməkdaşlığın inkişafı, həmçinin aktual regional məsələləri müzakirə edəcəklər.
***
Azərbaycan və Macarıstanın xarici işlər nazirləri Ceyhun Bayramov və Peter Siyarto bu gün Bakıda keçirilən Strateji Dialoqun ikinci iclasının yekunlarına dair protokol imzalayıblar.
Bu barədə Azərbaycan Xarici İşlər Nazirliyinin X sosial şəbəkəsindəki hesabında məlumat verilib.