ABŞ-ın vəd etdiyi silahlar cəbhə xəttinə gəlməyə başlayıb, lakin bu, rus hərbçiləri dərhal geri çəkmək üçün kifayət etməyəcək.
AzerTimes xəbər verir ki, bu sözləri Ukrayna müdafiə nazirinin birinci müavini, general-leytenant İvan Qavrilyuk “Teleqraf”a açıqlamasında deyib.
O bildirib ki, artilleriya mərmiləri daxil olsa da, texnika və sursatların əksəriyyəti hələ yoldadır:
“Gəmiləri yükləmək üçün vaxt lazımdır, sonra onlar Atlantik okeanını keçməli olur. Ancaq biz artıq nəticələri görürük”.
Müdafiə nazirinin birinci müavini əlavə edib ki, Rusiya qüvvələrinin artilleriyasının mərmilərin sayında üstünlüyü yeddidən beşə endirilib:
“Daha çox təchizat əlavə olunduqca, bu boşluq daralacaq”.