Fransanın SEZAR özüyeriyən artilleriya qurğuları yaxın vaxtlarda Ermənistan ordusunda görünməyəcək.
AzerTimes xəbər verir ki, bu sözləri rusiyalı hərbi ekspert Pavel Felgenhauer erməni mediasına açıqlamasında deyib.
Ekspertin sözlərinə görə, problem ondadır ki, indi onlar, ilk növbədə, 155 mm-lik sursatın kəskin çatışmazlığı olan Ukraynaya gedirlər:
“Sezar”lar çox güman ki, Ermənistan ordusunda bir neçə ildən sonra peyda olacaq. Başlanğıcda onların çoxu olmayacaq. Hərbi baxımdan bu, düzgün qərardır, lakin tezliklə həyata keçirilməyəcək”.
Felgenhauer bildirib ki, Qərbdə hərbi-sənaye kompleksinin yerləşdirilməsi tam sürətlə gedir, 155 mm-lik mərmilərin kütləvi istehsalı qurulur, ona görə də onlar tezliklə bol olacaq və onları endirimlə almaq olar.
“İrəvanın belə bir niyyəti Rusiyada əlavə narazılıq yaradacaq, çünki Ermənistanın ondan Qərbə üz tutduğunu hesab edəcək”, – ekspert əlavə edib.
Qeyd edək ki, İrəvan və Paris Fransanın SEZAR özüyeriyən artilleriya sistemlərinin tədarükünə dair müqavilə imzalayıblar.