Şəmkirdə avtomobillər toqquşduqdan sonra yanıb.
AzerTimes xəbər verir ki, hadisə rayonda yerləşən restoranların birinin qarşısında baş verib.
“Qazel” markalı yük maşını ilə “Hunday” markalı minik maşının toqquşması zamanı hər iki avtomobillərdə yanğın olub. Hadisə yerinə FHN-nin Dövlət Yanğından Mühafizə Xidmətinin Şəmkir rayon Dövlət Yanğından Mühafizə Hissəsinin yanğınsöndürən avtomobilləri və canlı qüvvəsi cəlb olunub.
Yanğın yanğınsöndürənlər tərəfindən söndürülüb.
Hadisə zamanı 1 nəfərin xəsarət aldığı bildirilir.
Faktla bağlı araşdırma başlanılıb.