Mən uğursuz adamlar haqqında heç nə demədim, ancaq dünyanı məhv edənlər haqqında istehza ilə danışdım.
AzerTimes xəbər verir ki, bu barədə öz Tvitter hesabında Azərbaycanın İsveçrədəki səfiri Fuad İsgəndərov bildirib.
“armenews.com” Tvitterdə izləyicilərimin sayının artmasına imkan yaradıb. Uğursuz adamlar haqqında heç nə demədiyim (həmişə olduğu kimi), yalnız dünyanı məhv edənlər haqqında istehza ilə danışdığım tvitimdə diqqət yetirmələri məni təəccübləndirdi”, – deyə səfir qeyd edib.
Fuad İsgəndərov bundan əvvəl Tvitter hesabında yazıb ki, Fransa rəsmiləri Azərbaycana qarşı düzgün addımlar atdıqda, onların milli futbol komandası Qətərdə keçirilən dünya çempionatında uğur qazanır.
“Fransa futbol üzrə dünya çempionatında daha böyük nailiyyətlər əldə etmək istəyirsə, o zaman ölkənin Azərbaycana təyin olunmuş səfiri Şuşaya getməlidir. Bura Azərbaycan dostları üçün ən xoşbəxt yerdir”, – deyə F.İskəndərov yazıb.