Qızılhacılı kəndində mina partlayışı nəticəsində DSX və ANAMA əməkdaşlarının yaralanma xəbərindən çox təəssüfləndim.
AzerTimes xəbər verir ki, bunu Böyük Britaniya səfiri Ferqus Auld bu gün Qazaxın Qızılhacılı kəndində baş vermiş mina partlayışına münasibət bildirərkən deyib.
“Onlara tezliklə sağalmalarını arzulayıram. Mina təhlükəsinə qarşı mübarizədə tərəfdaşlarımızla işləməyə davam edəcəyik”, – o bildirib.
Qeyd edək ki, avqust ayının 2-də Azərbaycan-Ermənistan sərhədinin delimitasiyası ilə bağlı 19 aprel 2024-cü il tarixdə əldə olunmuş razılaşma əsasında ölkəmizə geri qaytarılmış Qazax rayonunun Qızılhacılı kəndində Ermənistan tərəfindən basdırılmış minalar partlayıb.