Futbol üzrə Azərbaycan Premyer Liqasında XV tura start verilib.
AzerTimes xəbər verir ki, açılış oyununda “Araz-Naxçıvan” “Səbail”i qəbul edib. “Dalğa Arena”da keçirilən görüşdə qalib müəyyənləşməyib – 1:1.
Hesabı 18-ci dəqiqədə muxtar respublika təmsilçisi açıb. Muhammed Kadiri baxımlı qolla komandasını önə çıxarıb. Qonaqlar 90+3-cü dəqiqədə məğlubiyyətdən xilas ola biliblər. Naxçıvanlıların heyətində Numan Kurdiç avtoqol müəllifi olub.
Günün ikinci matçında “Sumqayıt” “Turan Tovuz”un qonağı olacaq. Bu oyun saat 18:30-da başlayacaq.
Qeyd edək ki, turun digər matçları dekabrın 3-4-də keçiriləcək.