Türkiyənin İstanbul şəhərinin Əyyubsultan səmtindəki özəl bir liseydə çalışan İbrahim Oktuqan keçmiş şagirdi tərəfindən güllələnib.
Bu barədə AzerTimes-a türkiyəli jurnalist Həsən Barın bildirib.
Barın qeyd edib ki, İbrahim Oktuqanın məktəbdən qovulan şagirdi tərəfindən güllələnməsinə görə ölkədə etirazlar artır. Belə ki, qətlə etiraz əlaməti olaraq bir neçə təhsil birliyinin müəllimləri 10 mayda dərslərə girməkdən imtina ediblər. Eyni zamanda mayın 10-da İzmirdə ortaq mətbuat konfransı keçirməyi planlaşdırırlar.
“Təhsil Bir Sən” Birliyinin üzvləri də ayrıca mayın 10-da Türkiyənin hər yerində müəyyən mərkəzlərdə toplanaraq mətbuata açıqlama verəcəklər.
Bütün təhsil birliklərinin hədəfi isə “Müəllimlərə şiddət qanunu”nun tez bir zamanda TBMM-də qəbulunu istəyirlər.