“Sabah”ın UEFA Konfrans Liqasının 3-cü təsnifat mərhələsindəki rəqibinin adına aydınlıq gəlib.
AzerTimes xəbər verir ki, təmsilçimiz bu mərhələdə İrlandiyanın “Sent-Patriks Atletik” klubu ilə üz-üzə gələcək.
Dublin təmsilçisi ilk oyunda 3:1 hesabı ilə qalib gəldiyi Lixtenşteynin “Vaduz” klubu ilə bugünkü cavab matçında heç-heçə edib – 2:2. Bununla da komanda iki oyunun nəticəsinə görə 3-cü mərhələyə adlayıb.
Qeyd edək ki, “Sabah” 3-cü təsnifat mərhələsində ilk oyununu avqustun 8-də səfərdə, cavab matçını isə ayın 15-də evdə keçirəcək.