Ruslar Ukraynanın şərqində işğal olunmuş ərazilərdən məhbusları orduya cəlb etməyə çalışırlar.
AzerTimes xəbər verir ki, Ukraynanın Milli Müqavimət Mərkəzinin mənbələrdən əldə etdiyi məlumata görə, söhbət hələ saxta “respublika”lar yaranmamışdan əvvəl məhkum olunmuş məhbuslardan gedir.
Qeyd olunur ki, Donetsk və Luqansk vilayətlərinin “administrasiya”sı yerli əməkdaşlara Ukrayna qanunlarına əsasən məhkum edilmiş və 2014-cü ildən və ya daha əvvəl cəza çəkən məhbusların siyahısını təqdim etməyi tapşırıb:
“Düşmən artıq bu məhbusları Ukraynanın hüquq-mühafizə orqanlarına qarşı inciklik hissləri ilə manipulyasiya edərək Rusiya qüvvələrinin sıralarına cəlb etməyə başlayıb. Onlar xidmətdən imtina etsələr, həbsxana rəhbərliyi tərəfindən daha pis rəftarla hədələnirlər”.