Rusiya hərbçiləri Lisiçanskı mühasirəyə almağa çalışır.
AzerTimes xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.
“Donetsk istiqamətində düşmən artilleriya dəstəyi ilə Lisiçansk şəhərini mühasirəyə və Lisiçansk-Baxmut avtomobil yolunun nəzarətə almağa çalışır. Lisiçansk qəsəbələrinin Verxnekamenka və Seversk ərazilərində mülki infrastruktur obyektləri atəşə tutulub, Volçeyarovka yaxınlığında hava hücumu təşkil edilib. Ruslar Verxnekamenka yaxınlığında və Lisiçansk neft emalı zavodunun ərazisində hücum əməliyyatları həyata keçirir, döyüşlər davam edir”, – məlumatda deyilib.