Məşhur britaniyalı yazıçı Aqata Kristinin əsərləri Rusiyada nəşr edilməyəcək.
AzerTimes xəbər verir ki, bu barədə azərbaycanlı naşir, hazırda London beynəlxalq kitab sərgisində iştirak edən Şahbaz Xuduoğlu məlumat yayıb.
“Aqata Kristi Fondu ilə görüşdə bildirildi ki, yazıçının əsərlərinin Rusiyada satışı dayandırılıb. Artıq dünayda ən çox satılan detektiv ustasının əsərləri ruscaya çevrilməyəcək. Bu qərar Rusiyanın Ukraynaya qarşı təcavüzünə etiraz olaraq qəbul edilib. İstəmirlər ki, kitab satışından Rusiya gəlir götürsün”, – Xuduoğlu bildirib.