Rusiyanın Rostov vilayətinin Novoşaxtinsk şəhərindəki neftayırma zavodunda partlayış baş verib.
AzerTimes xəbər verir ki, bu barədə “Baza” Teleqram kanalı məlumat yayıb.
Məlumata görə, partlayış zavoda kamikadze-dronun hücumu nəticəsində baş verib.
“Əldə olunan məlumata görə, zavoda kamikadze-dron tərəfindən zərbə endirilib. Xəsarət alan yoxdur. Hazırda yanğının söndürülməsi işləri aparılır”, – məlumatda qeyd olunub.