Ruslar son həftələrdə benzin və dizel qıtlığı hiss etməyə başlayıblar. Bunun birbaşa müharibə ilə bağlı olması ehtimalı azdır.
AzerTimes xəbər verir ki, bu barədə Böyük Britaniya Müdafiə Nazirliyinin bəyanatında deyilir.
Nazirlik bu çatışmazlığın bir sıra amillərlə, o cümlədən kənd təsərrüfatı sektorundan gələn tələb, neft emalı zavodlarının illik yay təmiri və cəlbedici ixrac qiymətləri ilə bağlı olduğunu göstərir:
“Rusiya bazarı sabitləşdirmək üçün sentyabrın 21-dən demək olar ki, bütün benzin və dizel ixracını dayandırıb. Bu Rusiya yanacağından asılı olan ölkələrə təsir edə bilər. Bu addım, demək olar ki, qlobal tədarükü daha da məhdudlaşdıracaq, ən çox təsir hazırda Rusiya yanacaq təchizatından asılı olan ölkələrə olacaq”.