Xəbər - Ləman Zeynalova – Trend:
İkitərəfli münasibətlərin qurulması hər dövlətin suveren hüququdur. Bu əlaqə və təmasların üçüncü ölkələrə qarşı yönəlməməsi vacibdir.
Trend-in məlumatına görə, bunu Rusiya Xarici İşlər Nazirliyinin rəsmi nümayəndəsi Mariya Zaxarova Azərbaycan və Ukrayna arasında Azərbaycan Prezidenti İlham Əliyevin yanvarın 14-də Kiyevə səfəri zamanı GUAM çərçivəsində nəqliyyat dəhlizlərinin genişləndirilməsi imkanlarının müzakirə məsələsini şərh edərkən deyib.
“Biz də digər ölkələrlə təmaslarımızı qurarkən bu prinsipial mövqeyi rəhbər tuturuq və öz tərəfdaşlarımızdan bu cür yanaşmanı gözləyirik. Azərbaycan Prezidenti İlham Əliyevin yanvarın 14-də Kiyevə səfərinin mövzusu Rusiya və Azərbaycan prezidentləri arasında yanvarın 18-də keçirilmiş telefon danışığı zamanı ətraflı müzakirə olunub”, – deyə o bildirib.
(Tərcümə: Orxan Nəbiyev)