Zaporojye AES ərazisində Rusiya ilə Ukrayna arasında atəşkəs əldə oluna bilər.
AzerTimes xəbər verir ki, bu barədə Atom Enerjisi üzrə Beynəlxalq Agentliyin (MAQATE) baş direktoru Rafael Qrossi məlumat verib.
O qeyd edib ki, AES-in zədələnmiş 330 kV-luq ehtiyat elektrik ötürücü xətti ərazisində müvəqqəti atəşkəslə bağlı məsləhətləşmələrə başlanılıb.
Məlumatda bildirilir ki, sözügedən xətt yanvarın 2-də hərbi əməliyyatlar nəticəsində zədələnib və istismardan çıxıb. Qrossi bildirib ki, hazırda Zaporojye AES yalnız bir ədəd işlək 750 kV-luq elektrik xəttindən asılı vəziyyətdədir.