Rusiya və Türkiyə XİN rəhbərlərinin müavinləri Cənubi Qafqazdakı vəziyyəti müzakirə ediblər

Bu gün İstanbulda Rusiya xarici işlər nazirinin müavini Andrey Rudenko və Türkiyə xarici işlər nazirinin müavini Sedat Önal arasında görüş keçirilib.

AzerTimes-ın Rusiya XİN-ə istinadən verdiyi məlumata görə, görüş zamanı tərəflər Cənubi Qafqaz və Mərkəzi Asiyada Rusiya-Türkiyə əməkdaşlığını müzakirə ediblər.

Bakı və Yerevan arasında münasibətlərin normallaşması kontekstində Rusiya, Azərbaycan və Ermənistan liderlərinin 2020-ci il 10 noyabr və 2021-ci il 11 yanvar tarixli üçtərəfli sazişlərin ardıcıl şəkildə həyata keçirilməsinin vacibliyi qeyd edilib.


Həmçinin Cənubi Qafqaz üçün “3+3” (Azərbaycan, Ermənistan, Gürcüstan üstəgəl Rusiya, Türkiyə, İran) regional məsləhətləşmə mexanizmi formatının yaxın vaxtlarda işə salınmasının aktuallığı vurğulanıb.

Teqlər: