Rusiya ordusu Nyu Yorka (Donetsk vilayətində qəsəbə, əvvəlki adı Novqorod – red.) hava zərbəsi, Kuraxovoya isə raket zərbələri endirib.
AzerTimes xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.
“Avdeyevka, Novopavlovsk və Zaporojya istiqamətlərində Ukrayna qoşunlarının hərəkətlərinin məhdudlaşdırılması məqsədilə Rusiya cəbhənin müxtəlif istiqamətlərində bölmələrimizin mövqelərinə intensiv atəş zərbələri endirib. Nyu York, Lyubomirovka, Avdeyevka, Novobaxmutovka, Novoselivka, Uqledar, Orexov, Kamışevaxa, Vodyanoye, Pervomayskoye, Marinka və s. yaşayış məntəqələri şiddətli atəşə məruz qalıb. Nyu Yorka hava hücumu, Kuraxovo qəsəbəsinə isə raket zərbəsi endirilib”, – məlumatda deyilir.