Ermənistanın KTMT-yə üzvlüyünü dondurmaq qərarı qurumun işini ciddi şəkildə poza bilməz, lakin Cənubi Qafqazdakı mövqeyini zəiflədəcək.
AzerTimes xəbər verir ki, bunu Rusiyanın Belarusdakı səfiri Boris Qrızlov deyib.
Qrızlovun sözlərinə görə, əsas məsələ Ermənistanın bu şəraitdə siyasətini necə quracağı olacaq:
“Başa düşmək lazımdır ki, Qərbin Cənubi Qafqazdakı bütün hərəkətləri və proqramları bu region ölkələrinə qayğı ilə diktə olunmur. Vaşinqton və Brüssel konstruktiv əməkdaşlığa can atmır, əksinə, region ölkələrini öz geosiyasi avantürasına cəlb etməyə çalışır. Bu, Ermənistana daha böyük təhlükəsizlik gətirəcəkmi? Ritorik sualdır”.
Səfir əlavə edib ki, KTMT-yə üzv dövlətləri bir-birindən ayıra biləcək istənilən addım böyük səhvdir.