Əgər Donald Tramp ABŞ prezidenti olsaydı, Ukraynadakı münaqişənin qarşısını almaq olardı, ona görə də bu ölkədəki vəziyyətin həllinə ümidlər ona bağlanmalıdır.
AzerTimes xəbər verir ki, bu fikirləri Macarıstan Baş naziri Viktor Orban Antalya Diplomatik Forumunda çıxış edərkən deyib.
“Mən tam əminəm ki, Rusiyanın Ukraynaya müdaxiləsi zamanı Tramp ABŞ prezidenti olsaydı, bu baş verməzdi. Ona görə də Tramp yenidən prezident olsa, bu müharibəni dayandıra biləcək”, – o bildirib.
Onun sözlərinə görə, ABŞ-ın keçmiş prezidentinin Ağ Evə qayıtması davamlı sülh üçün ilkin şərtdir.