Ukraynaya qarşı müharibədə Rusiyanın itkiləri baxımından Moskva və Sankt-Peterburq elə də zərər görməyib.
AzerTimes xəbər verir ki, bu barədə Britaniya Müdafiə Nazirliyinin hesabatında qeyd olunub.
Hesabata görə, Rusiya müharibədə ciddi itkilər verməkdə davam edir, lakin itkilərin sayı ölkənin müxtəlif regionlarında fərqlidir:
“Ən zəngin şəhərlər olan Moskva və Sankt-Peterburq əhalisi ən az itkiyə məruz qalanlardır. Bu, xüsusilə ölkənin elit ailələrinə aiddir. Bir çox şərq bölgələrində ölüm nisbəti, Moskvadan 30 dəfə yüksəkdir. Bəzi yerlərdə ən çox əziyyət çəkən etnik azlıqlardır. Həştərxanda itkilərin təxminən 75%-ni qazax və tatarlar təşkil edir”.