Ermənistan Xarici Kəşfiyyat Xidmətinin direktoru kim olacaq? Paşinyanın siyahısında bir nömrəli namizəd Argişti Kərəmyandır.
AzerTimes xəbər verir ki, bunu “Milli müdafiə” jurnalının baş redaktoru, tanınmış rusiyalı hərbi ekspert İqor Korotçenko deyib.
“MKİ və Mİ-6 üçün bu posta daha uyğun namizəd Təhlükəsizlik Şurasının hazırkı katibi Armen Qriqoryandır. Rusiya üçün bir nömrəli namizəd Suren Papikyan (Ermənistan müdafiə naziri), iki nömrəli namizəd isə Artur Vanetsyandır (Ermənistan parlamentinin “Şərəfim var” fraksiyasının rəhbəri). 3-cü namizədi bilmirəm, hələ 4-cü də var.
Məsələ Moskva üçün çox ciddidir. Bunu öz axınına buraxmaq çox baha başa gələcək. Ermənistan Xarici Kəşfiyyat Xidməti bizimlədir, ya bizə qarşı? Baxacağıq”, – Korotçenko bildirib.