Düşmən Lisiçansk və Severodonetsk yaxınlığında yerləşən Loskutovka və Ray-Aleksandrovkanı işğal edib. Bundan başqa, onlar Lisiçansk-Baxmut magistralına nəzarəti ələ keçirmək planlarından əl çəkmirlər.
AzerTimes xəbər verir ki, bu barədə Ukrayna Silahlı Qüvvələri Baş Qərargahı məlumat yayıb.
“Donetsk istiqamətində düşmən əsas səylərini Severodonetsk üzərində tam nəzarətin yaradılmasına cəmləşdirir. Bundan əlavə, işğalçı Lisiçansk bölgəsində Ukrayna hərbçilərini mühasirəyə almaq üçün hücum əməliyyatlarını davam etdirir. Həmçinin Sirotin yaşayış məntəqəsini ələ keçirməyə çalışır”, – məlumatda deyilir.