Severodonetskdə bir aydır davam edən şiddətli döyüşlər Rusiya qüvvələrinin xeyrinə nəticələnir. Rus ordusu şəhərin böyük hissəsini nəzarətə götürdüb, ukraynalı müdafiəçilər isə sənaye zonasını saxlayırlar.
AzerTimes xəbər verir ki, bu barədə Britaniya kəşfiyyatı məlumat yayıb.
“Rusiyanın intensiv artilleriya atəşi şəhərə xeyli ziyan vurub. Ukrayna ordusu və bir neçə yüz dinc sakin şəhərin ərazisində yerləşən “Azot” kimya zavodunun yeraltı bunkerlərinə sığınıblar. Ehtimal var ki, Rusiya qüvvələri “Azot” zavodu ətrafında cəmləşsin. Məqsəd isə məlumdur Ukrayna qüvvələrinin müqavimətini sındırmaq”,- məlumatda deyilir.