“Rosatom”un törəmə şirkəti olan “Uranium One Group” Boliviyanın dövlət şirkəti “Yacimientos de Litio Bolivianos” ilə litium karbonatın hasilatı və istehsalı üçün sənaye kompleksinin tikintisi məqsədilə saziş imzalayıb.
AzerTimes xəbər verir ki, bu barədə RBC məlumat yayıb.
“Rosatom” üçün bu, litium istehsalı sahəsində ilk irimiqyaslı xarici layihədir, investisiyalar təqribən 600 milyon dollar təşkil edəcək. Birinci mərhələnin istismara verilməsi və hazır məhsulların istehsalına başlanması 2024-cü ildə planlaşdırılır”,- məlumatda deyilib.
Qeyd edək ki, litium elektrik nəqliyyat vasitələri və bərpa olunan enerji mənbələri üçün lazım olan akkumulyatorların və enerji saxlama sistemlərinin istehsalı üçün xammaldır. Dünyanın ən böyük litium istehsalçıları Avstraliya (55%), Çili (26%), Çin (14%) və Argentinadır (6%).