Rusiyanın Rostov vilayətinin Taqanroq şəhərində fövqəladə vəziyyət rejimi tətbiq olunacaq.
AzerTimes xəbər verir ki, bu barədə Taqanroq şəhərinin meri Andrey Fateyev Teleqram kanalında məlumat yayıb.
“Şəhər administrasiyasında operativ qərargah təşkil edilib. İlk olaraq zərərçəkmişlərə həm tibbi, həm də psixoloji yardımlar göstəriləcək. Həmçinin, zərərin yoxlanılması üzrə işlər də təşkil ediləcək. Hadisənin baş verdiyi ərazidə fövqəladə vəziyyət elan olunacaq”, – Fateyev bildirib.
Qeyd edək ki, bu gün Tanaqroq şəhərinə raket zərbəsi endirilib. Nəticədə 12 nəfər ölüb, 14-ü isə yaralanıb.