Rəqqasə Rəna Ağamuradovanın (Renka) sifariş etdiyi taksidə çətin anlar yaşaması ilə bağlı paylaşdığı videoya “Uber” taksi şirkəti reaksiya verib.
AzerTimes Oxu.az-a istinadən xəbər verir ki, şirkət sürücünün bu cür davranışının yolverilməz olduğunu və xidmət standartlarına uyğun gəlmədiyini açıqlayıb.
“Dəstək xidməti artıq operativ şəkildə sərnişinlə əlaqə saxlayıb və partnyor servisin sürücüsünün sifarişlərə daxil olmasını əngəlləyib”, – deyə şirkətin açıqlamasında qeyd olunub.
Qeyd edək ki, ötən gün rəqqasə Renka “Uber” taksi sürücüsünün bütün yolboyu telefonda qışqırıb söyüş söyməsindən və sonda ondan üzr istəməməsindən gileylənən paylaşım etmişdi.