Bəlkə də orada anlaşılmazlıq olub. Keçmişə qayıtmağa ehtiyac yoxdur.
AzerTimes xəbər verir ki, bunu “Qarabağ”ın baş məşqçisi Qurban Qurbanov 2007-ci ildə “Neftçi”ni niyə tərk etməsi ilə bağlı ona ünvanlanan suala cavabında deyib.
Qeyd edək ki, daha öncə Peşəkar Futbol Liqasının keçmiş prezidenti Ramin Musayev müsahibəsində bildirib ki, 2007-ci ildə “Neftçi”nin büdcəsi azaldığı üçün Qurban Qurbanov komandanı tərk edib, lakin Vlastimil Petrjala daha aşağı maaşa komandada qalıb.