Beynəlxalq təşkilatlar jurnalist Darya Duqinanın qətlinə və Ukraynanın Rusiya KİV nümayəndələrinə qarşı törətdiyi digər cinayətlərə münasibət bildirməyib.
AzerTimes xəbər verir ki, bunu Rusiya Xarici İşlər Nazirliyinin rəsmisi Mariya Zaxarova deyib.
“Duqinanın faciəli ölümündən bir il keçsə də, biz müvafiq beynəlxalq təşkilatlardan və insan haqları institutlarından media nümayəndələrinə qarşı qəsdən törədilmiş bir çox vəhşiliklər barədə bir kəlmə də eşitməmişik. Bu qurumlar jurnalistləri yaxşıya və pisə bölməkdə davam edir və onların fəaliyyətində ikiüzlülük hökm sürür”, – Zaxarova bildirib.
Qeyd edək ki, Darya Duqina ötən ilin avqustun 20-də avtomobilinə qoyulan bombanın partlaması nəticəsində ölmüşdü.