Kosova hakimiyyəti serblər yaşayan şimal bölgəsində təhlükəsizlik qüvvələrinin mövcudluğunu daim artırır, vəziyyət təhlükəli səviyyədədir.
AzerTimes xəbər verir ki, bunu Rusiyanın Serbiyadakı səfiri Aleksandr Botsan-Xarçenko bildirib.
“Priştina Kosovanın şimalında hərbi mövcudluğunu metodik və inadla gücləndirir. Orada vəziyyət çox təhlükəli səviyyədədir. Serb əhalisinə təhdid və təqib kampaniyası davam edir. Məqsəd bölgənin şimalını ələ keçirməkdir. Həm də Qərbin razılığı, hətta köməyi ilə. Qərb nümayəndələrinin Priştinaya təsir edə bilməmələri ilə bağlı açıqlamalarına inanmaq olarmı? Əlbəttə yox. Şüurlu şəkildə münaqişənin kəskinləşməsi istiqamətində işlər aparılır”, – səfir qeyd edib.