Çinin Tianjin Tibb Universitetinin alimləri qəhvə və ya çay içməyin insult və demensiya riskini azaltdığl qənaətinə gəliblər.
Trend xəbər verir ki, araşdırmalar nəticəsində bioloqlar qəhvənin beyin funksiyası üçün faydalarını aşkar ediblər. Onlar 365 682 nəfərin məlumatlarını öyrəniblər. 2006-2010-cu illərdə eksperimentdə iştirak etmək istəyənləri seçib, könüllülərin məlumatları 2020-ci ilə qədər qeydə alınıb.
Toplanmış məlumatları təhlil etdikdən sonra alimlər belə qənaətə gəliblər ki, gündə iki-üç stəkan qəhvə və ya üç-beş stəkan çay içən (və ya hər ikisi gündə altı stəkana qədər içən) insanlarda insult və demensiya riski daha az olur. Onlarda insult riski 32 %, demensiya riski isə 28 faiz az olub.